Ҳимоячи Жонни Эванс «Манчестер Юнайтед» бош мураббийи Эрик тен Хагни ҳайратда қолдирди.
The Sun хабарига кўра, 35 ёшли футболчи яқин орада «қизил иблислар» билан бир йиллик шартнома имзолаши керак.
Тен Хаг аввалроқ Эвансни таркибда сақлаб қолиш истаги ҳақида гапирган эди. Ёзда тажрибали футболчи «Юнайтед» билан қисқа муддатли меҳнат шартномаси имзолади - у август ойининг охиригача амал қилади.
Жонни Эванс - «Манчестер Юнайтед» тарбияланувчиси. Шимолий ирландиялик «қизил иблислар»нинг асосий жамоаси сафида 198 та ўйин ўтказиб, 7 та гол урган ва шерикларига 7 та голли узатма берган.
