Angliyaning «Vest Xem» jamoasida to‘p tepayotgan braziliyalik futbolchi Lukas Paketa muammolar girdobiga tushgan.
Daily Mail ingliz nashri xabariga ko‘ra, u eng og‘ir jazoga olib keluvchi ish - Angliya chempionati o‘yinlariga pul tikishda gumon qilingan. Futbol assosiasiyasi allaqachon bu masalani ko‘rib chiqmoqda.
Demak, Paketaning mumkin bo‘lgan transferi bo‘yicha barcha muzokaralar (va «Manchester Siti»ning o‘zi ham bundan manfaatdor edi) endi qoldirildi - hech kim bunday o‘yinchini o‘z jamoasiga taklif qilishni istamaydi.
Bir muncha vaqt oldin «Brentford» hujumchisi Ivan Toni ham xuddi shunday qoidabuzarlik uchun sakkiz oyga diskvalifikasiya qilingan edi.
