"Valyadolid"ning o‘ng qanot himoyachisi Ivan Fresneda joriy transfer oynasida "Barselona"ga o‘tmaydi.
"Ko‘k-anorranglilar" bir necha oydan buyon himoyaning o‘ng qanotiga yangi o‘yinchi qidirmoqda va 18 yoshli ispaniyalik Kataloniya gigantining qiziqishlari ro‘yxatida ustuvor nomzodlardan biri hisoblangan. Jurnalist Toni Xuanmartining so‘zlariga ko‘ra, transfer amalga oshmaydi – “Barselona” yosh lateral uchun kurashdan chiqib ketdi.
Mish-mishlarga ko‘ra, La Liganing amaldagi chempioni Ivan Fresneda uchun 18 million yevro taklif qilishga tayyor bo‘lgan, shundan 10 millioni bonuslar edi. "Valyadolid"ni bunday shartlar qoniqtirmadi.
Yaqin orada “Barselona” safiga yana bir o‘ng qanot himoyachisi – “Manchester Siti”dan Joau Kanselu qo‘shilishi mumkin.
