"Вальядолид"нинг ўнг қанот ҳимоячиси Иван Фреснеда жорий трансфер ойнасида "Барселона"га ўтмайди.
"Кўк-анорранглилар" бир неча ойдан буён ҳимоянинг ўнг қанотига янги ўйинчи қидирмоқда ва 18 ёшли испаниялик Каталония гигантининг қизиқишлари рўйхатида устувор номзодлардан бири ҳисобланган. Журналист Тони Хуанмартининг сўзларига кўра, трансфер амалга ошмайди – “Барселона” ёш латерал учун курашдан чиқиб кетди.
Миш-мишларга кўра, Ла Лиганинг амалдаги чемпиони Иван Фреснеда учун 18 миллион евро таклиф қилишга тайёр бўлган, шундан 10 миллиони бонуслар эди. "Вальядолид"ни бундай шартлар қониқтирмади.
Яқин орада “Барселона” сафига яна бир ўнг қанот ҳимоячиси – “Манчестер Сити”дан Жоау Канселу қўшилиши мумкин.
