"Chelsi" bosh murabbiyi Maurisio Pochettino klub oldiga qo‘ygan maqsadlari haqida gapirdi.

"Ko‘klar" bu mavsumni yevrokuboklarsiz o‘tkazadi.

"Biz Yevropaga, aniqrog‘i, Chempionlar ligasiga qaytish haqida o‘ylashimiz kerak. Biz klubni kerakli joyga qaytarishni istaymiz. Agar jamoada kimdir Konferensiyalar ligasiga kirishni maqsad qilgan bo‘lsa, men tashvishlanaman.

Bizning mentalitetimiz bizni barcha o‘yinlarda g‘alaba qozonishga, Premyer-liga chempionligi uchun kurashishga, Chempionlar ligasida ishtirok etishga, kuboklarda muvaffaqiyat qozonishga yetaklashi kerak, aks holda biz muvaffaqiyatsizlikka mahkummiz”, — deya Pochettinodan iqtibos keltiradi The Athletic.