24 avgust kuni O‘zbekiston superkubogi uchrashuvi Jizzaxda o‘tkazilishidan xabaringiz bor. «Paxtakor» va «Nasaf» jamoalari o‘rtasidagi qarama-qarshilik 19:30 da start oladi.

23 avgust kuni o‘yinoldi tadbirlar bo‘lib o‘tishi rejalashtirilgan. Shu kuni 17:30 da «Paxtakor» klubi bosh murabbiyi Maksim Shatskix va jamoa sardori Dragan Cheran ishtirokida matbuot anjumani bo‘lib o‘tadi. 18:00 da esa «sherlar» bellashuv o‘tadigan stadionda o‘yinoldi rasmiy mashg‘ulot o‘tkazadi. 50 daqiqalik mashg‘ulotning dastlabki 15 daqiqasi OAV vakillari uchun ochiq bo‘ladi.

18:45 da «Nasaf» klubi bosh murabbiyi Ro‘ziqul Berdiyev va jamoa yetakchilaridan biri bo‘lgan Lima Kruz OAV xodimlari savollariga javob qaytaradi. Nominal mehmon sifatida qarshiliklar 19:30 da mashg‘ulotga kirishadi va uning ham dastlabki 15 daqiqasiga jurnalistlar tashrif buyurishi mumkin.