Ertaga «Navbahor» OCHL saralashi doirasida «Al-Vakra»ga qarshi bahs olib boradi. Mezbonlar bosh murabbiyi Markes Lopesning o‘yindan avvalgi matbuot anjumanidagi fikrlari:

«Navbahor» jamoasi haqida ba’zi ma’lumotlarga egaman. Ular yaxshi jamoa, O‘zbekiston chempionati turnir jadvalida ikkinchi o‘rinda bormoqda.

Ammo yo‘qotadigan narsamiz yo‘q, shu bois maqsadimizga erishish uchun bunday imkoniyatdan foydalanishimiz kerak.

O‘zbekiston chempionati bir hafta oldin boshlangan Qatar chempionatidan farqli o‘laroq 17-turga yetib keldi.

Albatta, «Navbahor» jamoasi bizga qaraganda jismoniy jihatdan tayyorroq bo‘lishi mumkin, ammo bu ko‘p narsani anglatmaydi, chunki bu tayyorgarlik bir o‘yinda unchalik yordam bermaydi», – dedi Lopes.