"Udineze"da to‘p tepayotgan serbiyalik 21 yoshli yarim himoyachi Lazar Samardjich Italiyaning boshqa klubiga o‘tishi mumkin. Football Italia jurnalistlari xabariga ko‘ra, futbolchining xizmatlariga "Fiorentina" qiziqish bildirmoqda.
Florensiya klubi yozgi transfer oynasi yopilgunga qadar kelishuvni yakunlash niyatida. "Binafsharanglilar" rahbariyati Samarjich uchun 18 million yevro va Rikkardo Sottilning huquqlarini berishga tayyor.
Italiya chempionatining so‘nggi mavsumida Lazar 37 ta o‘yin o‘tkazib, 5 ta gol urdi va 4 ta golli uzatmani amalga oshirdi. Futbolchining “Udineze” bilan tuzgan mehnat shartnomasi 2026 yilning iyun oyi oxirida yakuniga yetadi.
