"Sassuolo" yarim himoyachisi Domeniko Berardi ushbu transfer oynasida jamoasini tark etish umidini yo‘qotmayapti. Jurnalist Nikolo Skiraning so‘zlariga ko‘ra, italiyalikning agentlari uning mijozi uchun ehtimoliy transfer ustida ishlashda davom etmoqda.

Eslatib o‘tamiz, Berardiga Turinning "Yuventus"i qiziqish bildirmoqda, ammo "keksa senyora" haligacha "Sassuolo"ning italiyalikning transferi bo‘yicha moliyaviy talablarini qondira olmayapti. "Byankonerilar" yarim himoyachi uchun "qora-yashillar" talabidan 10 million yevro kamroq taklif qilmoqda.

Berardi o‘tgan mavsum A Seriyada 12 ta gol va 7 ta golli uzatmani amalga oshirgan.