"Сассуоло" ярим ҳимоячиси Доменико Берарди ушбу трансфер ойнасида жамоасини тарк этиш умидини йўқотмаяпти. Журналист Николо Скиранинг сўзларига кўра, италияликнинг агентлари унинг мижози учун эҳтимолий трансфер устида ишлашда давом этмоқда.
Эслатиб ўтамиз, Берардига Туриннинг "Ювентус"и қизиқиш билдирмоқда, аммо "кекса сеньора" ҳалигача "Сассуоло"нинг италияликнинг трансфери бўйича молиявий талабларини қондира олмаяпти. "Бьянконерилар" ярим ҳимоячи учун "қора-яшиллар" талабидан 10 миллион евро камроқ таклиф қилмоқда.
Берарди ўтган мавсум А Серияда 12 та гол ва 7 та голли узатмани амалга оширган.
