Himoyachi Aymerik Lyaport «Manchester Siti»dan «An-Nasr»ga o‘tadi. 29 yoshli futbolchi ingliz klubi bilan xayrlashdi.

«Unutilmas besh yarim yil uchun rahmat. Ko‘p xotiralar qalbimda abadiy saqlanib qoladi», - deya izoh qoldirgan Lyaport ijtimoiy tarmoqdagi videoda, u «Manchester Siti»dagi esda qolarli lahzalarni jamladi.

Aymerik Lyaport «Manchester Siti»da 2018 yilning yanvar oyi oxiridan beri to‘p tepmoqda. Bu vaqt ichida himoyachi 180 ta rasmiy o‘yinda maydonga tushib, 12 ta gol urdi va 4 ta samarali uzatmani amalga oshirdi.