Ҳимоячи Аймерик Ляпорт «Манчестер Сити»дан «Ан-Наср»га ўтади. 29 ёшли футболчи инглиз клуби билан хайрлашди.
«Унутилмас беш ярим йил учун раҳмат. Кўп хотиралар қалбимда абадий сақланиб қолади», - дея изоҳ қолдирган Ляпорт ижтимоий тармоқдаги видеода, у «Манчестер Сити»даги эсда қоларли лаҳзаларни жамлади.
Аймерик Ляпорт «Манчестер Сити»да 2018 йилнинг январь ойи охиридан бери тўп тепмоқда. Бу вақт ичида ҳимоячи 180 та расмий ўйинда майдонга тушиб, 12 та гол урди ва 4 та самарали узатмани амалга оширди.
