"PSJ" bosh murabbiyi Luis Enrike klubdagi dastlabki oylardagi taassurotlari bilan o‘rtoqlashdi.
Ispaniyalik mutaxassis joriy mavsum boshlanishidan oldin parijliklar jamoasini qabul qilib olgandi.
“Hammasi ijobiy rivojlanmoqda, derdim. Futbolchilar bir-birlarini yaxshiroq bilishlari, o‘zaro munosabatlarni o‘rganishlari va murabbiylik talablarimga ko‘nikishi uchun vaqt kerak.
Menga "Park de Prens" atmosferasi juda yoqdi. Umid qilamanki, biz muxlislarni yaxshi o‘yin, ko‘plab gollar va o‘yinlardagi g‘alabalar bilan xursand qila olamiz", - deya Enrikening so‘zlarini keltiradi Fransiya OAVlari.
