“Manchester Siti”ning portugaliyalik yarim himoyachisi Bernardu Silvaning Fransiyaning “PSJ” klubiga o‘tishi rasmiylashtirilmagani sababi ma’lum bo‘ldi.
Goal.com portali xabariga ko‘ra, "shaharliklar" bosh murabbiyi Xosep Gvardiola futbolchining ketishiga keskin qarshi bo‘lgan. Mutaxassis jazoirlik Riyod Maxrez Saudiya Arabistoniga o‘tganidan keyin Silvaning sotilishiga veto qo‘ygan.
Bernardu "Manchester Siti"da 2017 yildan beri o‘ynab kelmoqda. Yarim himoyachi klub bilan yangi mehnat shartnomasi imzolagani avvalroq ma’lum qilingandi.
Silva "shaharliklar" tarkibida 308 ta o‘yin o‘tkazib, 55 ta gol va 59 ta golli uzatmani amalga oshirgan.
