“Манчестер Сити”нинг португалиялик ярим ҳимоячиси Бернарду Силванинг Франциянинг “ПСЖ” клубига ўтиши расмийлаштирилмагани сабаби маълум бўлди.
Goal.com портали хабарига кўра, "шаҳарликлар" бош мураббийи Хосеп Гвардиола футболчининг кетишига кескин қарши бўлган. Мутахассис жазоирлик Риёд Махрез Саудия Арабистонига ўтганидан кейин Силванинг сотилишига вето қўйган.
Бернарду "Манчестер Сити"да 2017 йилдан бери ўйнаб келмоқда. Ярим ҳимоячи клуб билан янги меҳнат шартномаси имзолагани аввалроқ маълум қилинганди.
Силва "шаҳарликлар" таркибида 308 та ўйин ўтказиб, 55 та гол ва 59 та голли узатмани амалга оширган.