"Liverpul" bir necha kun oldin "Chelsi"dan Moyses Kaysedoni tortib olishga urinib ko‘rdi va unga taxminan "aristokratlar" bilan bir xil maosh taklif qildi. Maurisio Pochettino jamoasida yarim himoyachi yiliga 9 million yevrodan sal ko‘proq maosh oladi.
The Athletic xabariga ko‘ra, ekvadorlik futbolchi "Enfild"da haftasiga taxminan bir xil miqdorda maosh olgan bo‘lardi, biroq bu omil u uchun muhim rol o‘ynamagan. Kaysedo "Chelsi" rahbariyatiga bahorda jamoaga qo‘shilishni va’da qilgan. Ekvadorlik "aristokratlar"ga bergan va’dasini buzishni istamadi.
Eslatib o‘tamiz, Kaysedoning transfer summasi kelajakda bonuslarni hisobga olgan holda 130 million yevrodan oshishi mumkin.
