Lionel Messi "Inter Mayami"ning navbatdagi o‘yinida asosiy tarkibida maydonga tushmasligi mumkin. Bu haqda bosh murabbiy Xerardo Martino sha’ma qildi.
"Messi ham, boshqa ko‘plab futbolchilar ham jismoniy chegarasiga yetib kelishmoqda. Kelgusida ularning holatiga baho beramiz. Qaysidir vaqtda Messi tiklanish uchun to‘xtashi kerak. Chunki har uch-to‘rt kunda o‘ynash juda ko‘p. Ammo u menga biror narsa aytmaguncha, u maydonda qoladi" - dedi Martino Daily Mail bilan suhbatda.
"Inter Mayami" navbatdagi o‘yinini 27 avgustga o‘tar kechasi MLS doirasida "Nyu-York Red Bullz" jamoasiga qarshi o‘tkazadi.
