Bugun, 25 avgust kuni Milanning “Inter” klubi yarim himoyachisi Xoakin Korrea “Marsel”ga o‘tish oldidan tibbiy ko‘rikdan o‘tadi, deya xabar bermoqda jurnalist Nikolo Skira o‘zining Twitter sahifasida.

Manbaga ko‘ra, o‘tish sotib olish imkoniyati bilan ijara asosida amalga oshiriladi, agar "Marsel" 2024/2025 yilgi mavsumda Chempionlar ligasida o‘ynash huquqini qo‘lga kiritsa, bu majburiy holga aylanadi. Argentinalik futbolchi bilan shartnoma 2027 yilgacha, yana bir mavsumga uzaytirilishi mumkinligi bilan kelishilgan. Xoakin yiliga 3 million yevro ishlab oladi.

Avvalroq Nikolo Skira futbolchini sotib olishi 12 million yevroni tashkil etishi haqida xabar bergan edi.

29 yoshli Korrea so‘nggi ikki mavsum davomida “Inter” safida to‘p surdi. Bu vaqt ichida u 77 ta uchrashuvda qatnashib, 10 ta gol urdi va 5 ta golli uzatmani amalga oshirdi.