Бугун, 25 август куни Миланнинг “Интер” клуби ярим ҳимоячиси Хоакин Корреа “Марсель”га ўтиш олдидан тиббий кўрикдан ўтади, дея хабар бермоқда журналист Николо Скира ўзининг Twitter саҳифасида.
Манбага кўра, ўтиш сотиб олиш имконияти билан ижара асосида амалга оширилади, агар "Марсель" 2024/2025 йилги мавсумда Чемпионлар лигасида ўйнаш ҳуқуқини қўлга киритса, бу мажбурий ҳолга айланади. Аргентиналик футболчи билан шартнома 2027 йилгача, яна бир мавсумга узайтирилиши мумкинлиги билан келишилган. Хоакин йилига 3 миллион евро ишлаб олади.
Аввалроқ Николо Скира футболчини сотиб олиши 12 миллион еврони ташкил этиши ҳақида хабар берган эди.
29 ёшли Корреа сўнгги икки мавсум давомида “Интер” сафида тўп сурди. Бу вақт ичида у 77 та учрашувда қатнашиб, 10 та гол урди ва 5 та голли узатмани амалга оширди.
