Himoyachi Serjino Dest yozgi transfer oynasida nima uchun "Barselona"dan PSVga o‘tishga qaror qilganini tushuntirdi. 22 yoshli amerikalik futbolchining fikricha, uning uchun ko‘proq o‘yin amaliyotiga ega bo‘lishi muhim.
“Men ko‘proq o‘ynashni, rivojlanishni va yaxshiroq bo‘lishni xohlayman. Karerangiz davomida siz muayyan qarorlar qabul qilishingiz kerak. PSVda o‘zimni yaxshi his qilyapman. Biz Niderlandiya chempioni bo‘lishimiz mumkin va kelasi hafta Chempionlar ligasi guruh bosqichiga yo‘l olishni istaymiz", - dedi Dest jurnalistlarga.
