Huquqlari "PSJ"ga tegishli bo‘lgan italiyalik yarim himoyachi Marko Verratti faoliyatini Turkiya chempionatida davom ettirish imkoniyatiga ega. 30 yoshli futbolchining xizmatlariga Istanbulning "Galatasaroy" klubi qiziqish bildirmoqda, deya xabar beradi insayder Nikolo Skira.
Turkiyadan kelgan taklifdan tashqari Verrattida faoliyatini Saudiya Arabistoni va Qatar chempionatlarida davom ettirish imkoniyatlari bor.
Marko parijliklar bilan 2026 yilning iyun oyi oxirigacha shartnomasi bor. Uning transfer narxi 40 million yevroga baholanmoqda.
O‘tgan mavsumda italiyalik futbolchi 38 ta o‘yinda maydonga tushib, bitta golga assistentlik qilgan.