"Real Madrid" futbolchilari Dani Sebalyos va Ferlan Mendi Ispaniya La Ligasining navbatdagi turida "Xetafe"ga qarshi o‘yinda maydonga tushishi mumkin.

Diario AS xabariga ko‘ra, Mendi va Sebalyos avval taxmin qilinganidan ertaroq tiklanishlari mumkin. Bir necha kun oldin futbolchilar xalqaro tanaffusdan so‘ng safga qaytishi kutilgandi, ammo hozir bu boradagi fikrlar boshqacha. Sebalyos va Mendi "Xetafe"ga qarshi o‘yinda oz bo‘lsa-da daqiqalarni olishlari mumkin.

Eslatib o‘tamiz, Sebalyos va Mendi mavsumoldi mashg‘ulotlarida jarohat olishgan. La Liganing dastlabki uch turida “Real” maksimal 9 ochko jamg‘argan.