"Chelsi" "Yuventus"ga hujumchi Romelu Lukakuni majburiy sotib olish sharti bilan ijaraga olishni taklif qildi, ammo Turin klubi bunday kelishuvni rad etdi. Bu haqda Corriere dello Sport nashri xabar bermoqda.
Manba bergan xabarga ko‘ra, Italiya klubi serbiyalik hujumchi Dushan Vlaxovichni jamoada saqlab qolish niyatida ekanini aytgan.
Avvalroq Lukaku "Roma"ga ijara asosida o‘tishga yaqin ekani xabar qilingandi.
Eslatib o‘tamiz, 30 yoshli belgiyalik hujumchi o‘tgan mavsumni "Inter"da ijara asosida o‘tkazgan edi. Milan klubi tarkibida hujumchi 37 ta o‘yin o‘tkazib, 14 ta gol urgan va 7 ta golli uzatmani amalga oshirgan. Transfermarkt portali Belgiya terma jamoasi futbolchisini 40 million yevroga baholamoqda.
