"Челси" "Ювентус"га ҳужумчи Ромелу Лукакуни мажбурий сотиб олиш шарти билан ижарага олишни таклиф қилди, аммо Турин клуби бундай келишувни рад этди. Бу ҳақда Corriere dello Sport нашри хабар бермоқда.
Манба берган хабарга кўра, Италия клуби сербиялик ҳужумчи Душан Влаховични жамоада сақлаб қолиш ниятида эканини айтган.
Аввалроқ Лукаку "Рома"га ижара асосида ўтишга яқин экани хабар қилинганди.
Эслатиб ўтамиз, 30 ёшли бельгиялик ҳужумчи ўтган мавсумни "Интер"да ижара асосида ўтказган эди. Милан клуби таркибида ҳужумчи 37 та ўйин ўтказиб, 14 та гол урган ва 7 та голли узатмани амалга оширган. Transfermarkt портали Бельгия терма жамоаси футболчисини 40 миллион еврога баҳоламоқда.
