"PSJ" yaqin kunlarda Randal Kolo-Muani bo‘yicha muzokaralarni yakunlamoqchi.
Telefoot nashri xabariga ko‘ra, parijliklar seshanba kunigacha "Ayntraxt" hujumchisining transferi bo‘yicha kelishib olishmoqchi. Futbolchi uchun ular bonuslarni hisobga olmaganda 80 million yevrodan kam pul to‘lashga umid qilishmoqda.
Ularning so‘nggi taklifi 70 million yevro va qo‘shimcha to‘lovlar bo‘lgan.
Futbolchining o‘zi bilan 5 yillik shartnoma kelishib olindi. Kolo-Muani uchun "PSJ"ga o‘tish ustuvor vazifa.
Bundesliganing joriy mavsumida fransiyalik futbolchi 2 ta o‘yinda 1 ta gol urdi.
