Frankfurtning «Ayntraxt» klubi yarim himoyachisi Yesper Lindstryom tez orada Italiyaning amaldagi chempioni «Napoli» tarkibini kuchaytirishi mumkin. Bu haqda insayder Fabrisio Romano o‘zining ijtimoiy tarmoqlarida ma’lum qildi.

Hozir, jurnalistning so‘zlariga ko‘ra, tomonlar o‘rtasida kelishuvning yakuniy jihatlari muhokama qilinmoqda. Frankfurt klubida esa futbolchining potensial transferi allaqachon tasdiqlangan.

23 yoshli daniyalik o‘tgan mavsumda barcha turnirlarda 37 ta o‘yinda maydonga tushib, 9 ta gol urdi va 4 ta golli uzatmaga mualliflik qilgan.

Hozircha u uchta o‘yin o‘tkazdi va bitta golli uzatmani amalga oshirdi.