Франкфуртнинг «Айнтрахт» клуби ярим ҳимоячиси Йеспер Линдстрём тез орада Италиянинг амалдаги чемпиони «Наполи» таркибини кучайтириши мумкин. Бу ҳақда инсайдер Фабрицио Романо ўзининг ижтимоий тармоқларида маълум қилди.

Ҳозир, журналистнинг сўзларига кўра, томонлар ўртасида келишувнинг якуний жиҳатлари муҳокама қилинмоқда. Франкфурт клубида эса футболчининг потенциал трансфери аллақачон тасдиқланган.

23 ёшли даниялик ўтган мавсумда барча турнирларда 37 та ўйинда майдонга тушиб, 9 та гол урди ва 4 та голли узатмага муаллифлик қилган.

Ҳозирча у учта ўйин ўтказди ва битта голли узатмани амалга оширди.