Saudiya Arabistoni terma jamoasining yangi bosh murabbiyi Roberto Manchini yangi tayinlov haqida gapirdi.
«Milliy futbol sohasini rivojlantirish, yosh iqtidor egalari va har doim yuragimga yaqin bo‘lgan kelajak avlodlarga asoslangan qiziqarli yangi loyihani amalga oshirdim.
O‘ylaymanki, bu tayinlov Italiya futbolining ahamiyatini e’tirof etishdir va men g‘urur bilan Italiya madaniyatini dunyoga yoyishda davom etaman.
Saudiya Arabistoni futbol federasiyasi meni terma jamoa bosh murabbiyi sifatida bunday nufuzli lavozimga tanlashda yillar davomida qilgan mehnatlarimni qadrlashini ko‘rsatdi», — deb yozdi Manchini ijtimoiy tarmoqda.
