Simone Indzagi “Inter”ning A Seriyada “Kalyari” ustidan qozonilgan g‘alabasini (2:0) baholadi.

“Yigitlar birinchi daqiqalardanoq juda yaxshi o‘ynab, liganing yangi jamoasiga qarshi katta ishtiyoq ko‘rsatishdi. Uchrashuvga jiddiy yondashishimiz kerak edi va biz muvaffaqiyatga erishdik.

Biz [o‘tgan mavsum bilan solishtirganda] o‘n nafar futbolchini o‘zgartirdik, lekin men va mening xodimlarim to‘liq qoniqdik. Jamoa hali ham tartibli va bu murabbiy uchun juda muhim. Biz juda ko‘p o‘zgarganmiz, bu shubhasiz, ammo biz oldinga qanday borishni biladigan jamoa bo‘lib qoldik", - dedi "Inter" bosh murabbiyi.