"PSJ"ning Randal Kolo-Muanini transfer qilish taklifi "Ayntraxt"ga yoqmadi.
Oldinroq parijliklar klubi 24 yoshli hujumchi transferi uchun 70+10 million yevro taklif qilgani malum bo‘lgandi.
"Ayntraxt Frankfurt" futbolchini bu summaga sotmaydi va bu haqda "PSJ"ni allaqachon xabardor qilgan, deya xabar beradi Sky Sport jurnalisti Florian Plettenberg. Muzokaralar davom etmoqda, klublar kelishuvga erishmoqchi. Futbolchining o‘zi transferni talab qilmoqda.
Qayd etilishicha, fransuzlar hujumchi uchun 100 million yevro to‘lamaydi. Nemislar 80 million yevro va Yugo Ekitikeni talab qilmoqda. Kelgusi 48 soat kelishuv taqdirida hal qiluvchi rol o‘ynaydi.