"ПСЖ"нинг Рандал Коло-Муанини трансфер қилиш таклифи "Айнтрахт"га ёқмади.
Олдинроқ парижликлар клуби 24 ёшли ҳужумчи трансфери учун 70+10 миллион евро таклиф қилгани малум бўлганди.
"Айнтрахт Франкфурт" футболчини бу суммага сотмайди ва бу ҳақда "ПСЖ"ни аллақачон хабардор қилган, дея хабар беради Sky Sport журналисти Флориан Плеттенберг. Музокаралар давом этмоқда, клублар келишувга эришмоқчи. Футболчининг ўзи трансферни талаб қилмоқда.
Қайд этилишича, французлар ҳужумчи учун 100 миллион евро тўламайди. Немислар 80 миллион евро ва Юго Экитикени талаб қилмоқда. Келгуси 48 соат келишув тақдирида ҳал қилувчи роль ўйнайди.