Madridning "Atletiko" hujumchisi Joau Feliksda hali ham faoliyatini "Barselona"da davom ettirish varianti bor.
AS nashrining yozishicha, Feliks "Barselona" uchun hali ham real variant, ammo bu oson emas. "Atletiko" "Barsa"dan Feliksning ijarasi uchun pul to‘lashni va futbolchining maoshini to‘liq o‘z zimmasiga olishni so‘ramoqda, ammo hozirda "Barsa" bunga qodir emas va xohlamaydi.
Joan Laporta portugaliyalik futbochining ashaddiy muxlisi. Xavi va Dekuga Feliks yoqadi, lekin ular uni ustuvor deb bilishmaydi, chunki murabbiy tarkibni kreativ yarim himoyachi bilan kuchaytirishni afzal ko‘radi.
Agar "Atletiko" iqtisodiy sharoitlarni sezilarli darajada pasaytirsa, "Barsa" bu transfer uchun harakat qilishi mumkin.