“Nyukasl” sardori va himoyachisi Jamol Lassels Nyukasl-upon Tayn shahri markazidagi ko‘chalardan birida jinoyatchilar hujumiga uchradi, deb xabar bermoqda Daily Mail.

Manbaga ko‘ra, tungi klub yonida bir necha kishi futbolchi va uning 19 yoshli ukasiga hujum qilib, ularni otib tashlash bilan tahdid qilgan.

Favqulodda vaziyatlar xizmati yetib kelguniga qadar hujum qilganlar voqea joyidan qochib ketishgan, Lasselsning ukasi esa shifoxonaga yetkazilgan. "Nyukasl" nima bo‘lganidan xabardor. Hozirda polisiya tergov ishlarini olib bormoqda.