"Bavariya" yarim himoyachisi Rayan Gravenberx klubini o‘zgartirmoqchi.
Xabaringiz bor, 21 yoshli futbolchini “Bavariya”da o‘rinbosar roli qoniqtirmayapti. Jurnalist Kerri Xouning so‘zlariga ko‘ra, niderlandiyalik futbolchi transfer oynasi yopilguniga qadar ketishi uchun faol harakat qilmoqda. Yarim himoyachining vakillari allaqachon uning niyati haqida "Bavariya" rahbariyatiga xabar berishgan, ammo klub hozircha aniq bir qarorga kelmagan. Futbolchiga asosiy davogarlar Angliyaning “Liverpul” va “Manchester Yunayted” jamoalaridir.
Rayan Gravenberx bu mavsumda maydonda bor yo‘g‘i 9 daqiqa o‘ynadi va "Augsburg"ga qarshi o‘yinda zaxiradan maydonga tushdi. "Ayaks" tarbiyalanuvchisining narxi, Transfermarkt ekspertlarining fikriga ko‘ra, 30 million evroni tashkil qiladi.