"Бавария" ярим ҳимоячиси Райан Гравенберх клубини ўзгартирмоқчи.
Хабарингиз бор, 21 ёшли футболчини “Бавария”да ўринбосар роли қониқтирмаяпти. Журналист Кэрри Хоунинг сўзларига кўра, нидерландиялик футболчи трансфер ойнаси ёпилгунига қадар кетиши учун фаол ҳаракат қилмоқда. Ярим ҳимоячининг вакиллари аллақачон унинг нияти ҳақида "Бавария" раҳбариятига хабар беришган, аммо клуб ҳозирча аниқ бир қарорга келмаган. Футболчига асосий давогарлар Англиянинг “Ливерпуль” ва “Манчестер Юнайтед” жамоаларидир.
Райан Гравенберх бу мавсумда майдонда бор йўғи 9 дақиқа ўйнади ва "Аугсбург"га қарши ўйинда захирадан майдонга тушди. "Аякс" тарбияланувчисининг нархи, Transfermarkt экспертларининг фикрига кўра, 30 миллион эврони ташкил қилади.
