Taniqli insayder Fabrisio Romano "Milan" va "Portu" o‘rtasidagi Mehdi Taremi bo‘yicha muzokaralar haqidagi yangilik bilan o‘rtoqlashdi.
31 yoshli futbolchi “rossonerilar” bilan kelishuvga erishdi, biroq hali “Portu”dan Italiyaga o‘tishga rozilik olmagan. Romanoning so‘zlariga ko‘ra, "Milan" kutilganidek Taremi uchun taklif yuborgan. Komissiya narxi 15 million yevroga baholanmoqda va yaqin orada “ajdarlar” yakuniy qarorga kelishi kerak. Kelishuv taqdiri chorshanba kuni hal qilinishi mumkin.
"Milan"ning eronlik hujumchiga qiziqishi haqidagi mish-mishlar iyul oyida paydo bo‘lgandi. Shuningdek, futbolchiga da’vogarlar qatorida Milanning “Inter” va Londonning “Tottenxem” jamoalari ham bor edi.