"Barselona" hujumchisi Ansu Fati yoz oxirigacha jamoani tark etishi mumkin.
Ba’zi ma’lumotlarga ko‘ra, Kataloniya grandi doimiy o‘yin amaliyotiga ega bo‘lishi uchun tarbiyalanuvchisini ijaraga qo‘yib yuborishga tayyor. Insayder Jerar Romeroning yangilangan hisobotiga ko‘ra, "Tottenxem" hozirda yosh hujumchi uchun kurashda Londonning boshqa bir klubi "Chelsi"dan o‘zib ketgan va Fati bilan shartnoma imzolash uchun eng katta imkoniyatga ega. Vaziyat tez orada aniqlanishi kerak.
Transfermarkt ma’lumotlariga ko‘ra Ansu Fatining hozirgi transfer narxi 35 mln yevroni tashkil qiladi. 20 yoshli futbolchining "Barselona" bilan shartnomasi 2027 yilgacha mo‘ljallangan.