Superliga 18-turidan o‘rin olgan «Surxon» – «Nasaf» (1:2) uchrashuvidan so‘ng mezbonlar bosh murabbiyi Sergey Arslonov o‘z fikrlarini bildirib o‘tdi.

“Birinchi navbatda «Nasaf»ni Superkubokdagi kabi bugungi o‘yindagi g‘alabasi bilan ham tabriklayman. Birinchi va ikkinchi bo‘limni solishtiradigan bo‘lsak, bilasizmi, birinchi bo‘limda raqib jarima maydoniga to‘pni yetarlicha yetkazib bera olmadik. Bizda xavfli vaziyatlar yetishmadi, deyish mumkin. Bunday xavfli vaziyatlar esa ikkinchi taymda ko‘proq bo‘ldi. Biroq bizga ularni yakunlashda aniqlik etishmadi. Yana nima deyishim mumkin? Yigitlarning jamoa uchun borini berib o‘ynayotganlariga hech qanaqa shubha yo‘q. Asosiy tarkib yoki zaxiradan bo‘ladimi, hammasi o‘z vazifalarini bajarishyapti.

Ha, Artyom oxirgi ikkita uchrashuvdan beri maydonga tushmayapti. Buning sababi uning jarohat olgani bilan bog‘liq. U hozir tiklanish jarayonida. Mashg‘ulotlarda faol tarzda ishlayapti. O‘ylaymanki, navbatdagi turda maydonga tushishga tayyor bo‘ladi. Aziz Isoqovga kelsak, u ham tajribali darvozabon. Ehtimol, u etarlicha o‘yin amaliyoti ega bo‘lmagani bilan bog‘liq bo‘lsa kerak. Shu sababdan unga e’tiroz yo‘q. Shu jumladan hech qaysi futbolchilarga ham e’tirozlarimiz yo‘q”, – dedi Arslonov.