"Chelsi" bosh murabbiyi Maurisio Pochettino "Manchester Siti" yarim himoyachisi Koul Palmer jamoaga o‘tishi mumkinligi haqidagi xabarlarga munosabat bildirdi.
Chorshanba kuni e’lon qilingan ma’lumotlarga ko‘ra, "ko‘klar" "shaharliklar" bilan 21 yoshli futbolchining transfer shartlarini kelishib olishgan. Ushbu transfer bonuslarni hisobga olgan holda 50 million yevrodan ko‘proqqa baholangan va ingliz futbolchisi payshanba kuni tibbiy ko‘rikdan o‘tishi kerak.
"Chelsi" Liga kubogi bahsida "Uimbldon"ni mag‘lub etganidan so‘ng (2:1) jurnalistlar Pochettinodan Palmer haqida so‘rashdi: "Ayni damda men hech narsa bilmayman. Bizga tegishli bo‘lmagan futbolchilar haqida gapira olmayman. Klub bu haqda hech narsa demadi. Bu yozda boshqa birov bilan shartnoma imzolaymizmi? Balki", - dedi argentinalik mutaxassis.
