"Chelsi" himoyachisi Mark Kukurelya "Manchester Yunayted"ga o‘tish arafasida. Jurnalist Nikolo Skiraning fikricha, ispaniyalik qanot himoyachisi "Old Trafford"ga o‘tishga juda yaqin turibdi.
Eslatib o‘tamiz, "Chelsi" bosh murabbiyi Maurisio Pochettino Kukurelyaning ketishiga e’tiroz bildirmagan, chunki futbolchi uning rejalariga kiritilmagan. "Manchester Yunayted" ijara uchun taxminan 3 million yevro to‘laydi, shuningdek, futbolchining maoshini qoplaydi.
Bir yil avval “Chelsi” Kukurelyani “Brayton”dan 67 million yevroga sotib olgandi. Mark Angliya Premyer-ligasining yangi mavsumida hali tarkibda maydonga tushmagan. "Manchester Yunayted" ispaniyalik futbolchini Lyuk Shou o‘rniga sotib oladi.
