"Bavariya" hujumchisi Xarri Keyn "Tottenxem" bilan eng yaxshi tarzda xayrlashmadi.
Angliyalik futbolchining Myunxen klubiga o‘tishi 12 avgust kuni rasman tasdiqlangan. Jurnalist Mett Louning so‘zlariga ko‘ra, 30 yoshli futbolchi Germaniyaga uchishdan oldin sobiq jamoadoshlari bilan shaxsan xayrlasha olmagan, chunki kelishuv yakunlanishiga bir necha soat qolganida u “shporlar” mashg‘ulotlar maydonidan chetlashtirildi. Qolaversa, xuddi shu sababga ko‘ra, hujumchi o‘ziga keyinroq yuborilgan shaxsiy buyumlarni olib keta olmadi.
“Tottenxem” Xarri Keynni sotishdan 100 million yevro ishlab oldi. Futbolchi 2004 yildan buyon London klubi tizimida to‘p tepib kelgan va asosiy tarkibda 435 o‘yinda 280 ta gol urdi.
