"Бавария" ҳужумчиси Харри Кейн "Тоттенхэм" билан энг яхши тарзда хайрлашмади.
Англиялик футболчининг Мюнхен клубига ўтиши 12 август куни расман тасдиқланган. Журналист Мэтт Лоунинг сўзларига кўра, 30 ёшли футболчи Германияга учишдан олдин собиқ жамоадошлари билан шахсан хайрлаша олмаган, чунки келишув якунланишига бир неча соат қолганида у “шпорлар” машғулотлар майдонидан четлаштирилди. Қолаверса, худди шу сабабга кўра, ҳужумчи ўзига кейинроқ юборилган шахсий буюмларни олиб кета олмади.
“Тоттенхэм” Харри Кейнни сотишдан 100 миллион евро ишлаб олди. Футболчи 2004 йилдан буён Лондон клуби тизимида тўп тепиб келган ва асосий таркибда 435 ўйинда 280 та гол урди.
