Myunxenning "Bavariya" klubi haligacha "Fulxem"ga yarim himoyachi Joau Palinyaning transferi bo‘yicha rasmiy taklif bilan murojaat qilgani yo‘q. Jurnalist Nizar Kinsellaning ma’lumotlariga ko‘ra, londonliklar haligacha Tomas Tuxel jamoasidan portugaliyalikni sotish bo‘yicha taklif olmagan.
Eslatib o‘tamiz, Palinya transfer oynasining so‘nggi kunlarida “Bavariya”ning asosiy nishoniga aylangandi. Joau Myunxen klubiga o‘tmoqchi, ammo "Fulxem" uning uchun katta miqdorda tovon puli talab qiladi.
Avvalroq Palinyaga "Liverpul" ham qiziqayotgan edi. "Fulxem" futbolchini sotishdan oldin sifatli o‘rinbosar topmasa, uning ketishiga ruxsat bermaydi.
