Serxio Regilon "Manchester Yunayted"ga o‘tishi mumkin.
The Athletic jurnalisti Devid Ornshteynning xabar berishicha, mankunianliklar "Tottenxem" himoyachisini ijaraga olish ustida ishlamoqda. Futbolchi "shporlar"dan "Yunayted" joylashgan joyda tibbiy ko‘rikdan o‘tish uchun ruxsat oldi.
"Manchester Yunayted" Lyuk Shou va Tirell Malasiyaning jarohati tufayli chap qanot himoyachisini sotib olishga qaror qildi.
Avvalroq, "Chelsi"dan Mark Kukurelyaga ham "Manchester Yunayted" qiziqish bildirayotgani xabar qilingandi, biroq ispaniyalikning ehtimoliy transferi bilan bog‘liq vaziyat yanada murakkablashgan.