Bugun Yevropa ligasi guruh bosqichiga qur’a tashlash marosimi bo‘lib o‘tadi. Tadbir haqida batafsil ma’lumot berib o‘tamiz.

Qachon va qayerda?
Yevropa ligasi guruh bosqichiga qur’a tashlash marosimi 1 sentyabr kuni Toshkent vaqti bilan 16:00da boshlanadi. Marosim "Sport" kanali orqali jonli translyasiya qilinishi rejalashtirilgan.

Kimlar ishtirok etadi?
Yevropa ligasi guruh bosqichida 32 jamoa ishtirok etadi: 12 klub to‘g‘ridan-to‘g‘ri yo‘llanmani qo‘lga kiritgan bo‘lsa, 10 jamoa saralash orqali guruh bosqichiga yetib keldi, yana 10 jamoa esa Chempionlar ligasi saralashining 3 va 4-bosqichidan chiqib ketishi natijasida YELga o‘tdi.

Avstriya: LASK, "Shturm"
Ozorboyjon: "Qorabog‘"
Belgiya: "Yunion"
Kipr: "Aris" Limasol
Chexiya: "Slaviya" Praga, "Sparta" Praga
Angliya: "Brayton", "Liverpul", "Vest Xem"
Ispaniya: "Betis", "Vilyarreal"
Fransiya: "Olimpik", "Renn", "Tuluza"
Gresiya: "Olimpiakos"
Italiya: "Atalanta", "Roma"
Germaniya: "Frayburg", "Bayer"
Gresiya: AYEK Afina, "Panatinaikos"
Isroil: "Makkabi" Xayfa
Moldova: "Sherif"
Niderlandiya: "Ayaks"
Norvegiya: "Molde"
Polsha: "Rakuv"
Portugaliya: "Sporting"
Shotlandiya: "Reyndjers"
Serbiya: TSS Bachka-Topola
Shveysariya: "Servett"

Qur’adan avval jamoalar 4ta savatchaga ajratilgan:

1-savat: «Liverpul», «Vest Xem» (ikkisi — Angliya), «Vilyarreal» (Ispaniya), «Roma», «Atalanta» (ikkisi — Italiya), «Bayer» (Germaniya), «Ayaks» (Niderlandiya), «Reynjers» (Shotlandiya);

2-savat: «Betis» (Ispaniya), «Marsel», «Renn» (ikkisi — Fransiya), «Sporting» (Portugaliya), «Olimpiakos» (Gresiya), LASK (Avstriya), «Slaviya» (Chexiya), «Qorabog‘» (Ozarboyjon);

3-savat: «Brayton» (Angliya), «Frayburg» (Germaniya), «Sparta» (Chexiya), «Molde» (Norvegiya), «Yunion Sent-Jillua» (Belgiya), «Makkabi Xayfa» (Isroil), «Shturm» (Avstriya), «Sherif» (Moldaviya).

4-savat: «Tuluza» (Fransiya), «Panatinaikos», AYEK (ikkisi — Gresiya), TSS (Serbiya), «Servett» (Shveysariya), «Rakuv» (Polsha), «Aris» (Kipr), «Xekken» (Shvesiya).

Qur’a tartibi
1) Bir savatchadan o‘rin olgan jamoalar bir guruhga tushmaydi;
2) Bir mamlakat klublari bir guruhdan o‘rin olmaydi;
3) Boshqa cheklov bo‘lsa, bu haqda qur’adan e’lon qilinadi.

Keyin-chi?
Qur’adan so‘ng guruh bosqichi taqvimi ishlab chiqiladi va tasdiqlanadi. Jamoalar o‘zaro uy-safar tizimidan ikki martadan to‘qnash kelishadi. Dastlabki ikki jamoa YEL pley-off bosqichiga yo‘l oladi. Bunda guruh g‘oliblari to‘g‘ridan-to‘g‘ri nimchorak finalga yo‘l olsa, 2-o‘rin egalari 1/16 final bosqichi doirasida YECHLdan o‘tgan klublar bilan o‘zaro to‘qnash keladi.

Uchinchi o‘rin egalari esa o‘z ishtirokini Konferensiyalar ligasi turnirida davom ettiladi. To‘rtinchi pog‘onada qolgan jamoalari uchun yevrokuboklar mavsumi yakuniga yetadi. Guruhdagi o‘rinlarni aniqlashda, agar ochkolar teng kelib qolsa, o‘zaro o‘yinlar natijalariga qaraladi.

Guruh bosqichi o‘yinlari quyidagi sanalarda o‘tkaziladi:

1-tur: 21 sentyabr
2-tur: 5 oktyabr
3-tur: 26 oktyabr
4-tur: 9 noyabr
5-tur: 30 noyabr
6-tur: 14 dekabr

Final
Yevropa ligasi finali Irlandiyadagi "Dublin Arena"da bo‘lib o‘tadi. Ushbu stadion o‘z bag‘riga 50 ming muxlisni sig‘diradi.