Hujumkor yarim himoyachi Filippe Koutinyo yaqin kunlarda “Aston Villa”ni tark etishi mumkin. Ijtimoiy tarmoq insayderi Fabrisio Romanoning xabar berishicha, "Betis" va "Beshiktosh" payshanba kuni Koutinyo transferi bo‘yicha Birmingem klubi bilan bog‘lanishgan.
“Aston Villa” Koutinyo bilan xayrlashishga tayyor. Hozirda 31 yoshli braziliyalikning o‘zi so‘nggi so‘zni aytishi kerak.
Aytish joizki, Transfermarkt portali mutaxassislari Filippe Koutinyoni 10 million yevroga baholamoqda. Koutinyo “Aston Villa” safida 43 ta o‘yin o‘tkazib, 6 ta gol urdi va sheriklariga 3 ta samarali uzatma berdi.