Saudiya Arabistoni chempioni «Al-Ittihod» klubi hujumchi Muhammad Salohni sotib olish uchun harakat qilmoqda.
The Athletic xabariga ko‘ra, payshanba oqshomida saudiyaliklar 31 yoshli misrlik uchun «Liverpul»ga 100 million funt va katta miqdorda bonuslar taklif qilishgan.
Biroq Premyer-liga grandi bu taklifni hatto o‘ylamay turib, darhol rad etdi.
«Liverpul» yaqin orada Salohni sotish niyatida emas va bu masalani yopiq deb hisoblamoqda. Biroq «Al-Ittihod» Misr terma jamoasi forvardini o‘z safiga qo‘shib olishga urinishdan to‘xtamaydi.