«Atalanta»ning rossiyalik yarim himoyachisi Aleksey Miranchuk Italiyada transfer oynasi yopilganiga qaramay, klubini o‘zgartirishi mumkin.
27 yoshli futbolchiga Turkiyaning bir qator klublari qiziqish bildirmoqda. Manbaning yozishicha, Superliga vakillari Miranchukni bir mavsumga ijaraga olmoqchi.
Shu bilan birga, futbolchining transferi «Atalanta»ning pozisiyasiga va Miranchukning o‘z xohishiga bog‘liq ekani qayd etilgan.
Eslatib o‘tamiz, futbolchi o‘tgan mavsumni «Torino»da ijarada o‘tkazgan, ammo o‘tgan yozda «Atalanta»ga qaytgan edi.
