"Tottenxem" APLda ketma-ket uchta o‘yinda g‘alaba qozondi.
Bosh murabbiy Ange Postekoglou shogirdlari APLning 4-tur uchrashuvida “Byornli”ni 5:2 hisobida mag‘lub etishdi.
"Shporlar" mavsum boshida o‘tkazgan to‘rtta o‘yinning uchtasida g‘alaba qozonishdi. Jamoa birinchi turda “Brentford” bilan durang o‘ynadi (2:2).
Xarri Keynni "Bavariya"ga sotgan "Tottenxem" ayni damda APL turnir jadvalida ikkinchi o‘rinni egallab turibdi.
Shuningdek, Postekoglu Premyer-ligada "Tottenxem" mavsumini eng yaxshi boshlagan murabbiylar to‘rtligiga kirdi. Murabbiy 4 uchrashuvda 10 ochko jamg‘argan.
Faqat Xarri Rednapp 2009/10 yilgi mavsumda 4 o‘yinda ko‘proq - 12 ochko to‘plagan.