"PSJ" klubi sobiq hujumchisi Neymarning aytgan gaplariga munosabat bildirdi. Braziliyalik futbolchi yaqinda bergan intervyusida argentinalik Lionel Messi bilan birga fransuz klubida jahannamni boshidan kechirganini aytdi.
“Biz bunga izoh bermaymiz. Eng qizig‘i, bu ikkala futbolchi ham klubda qolishni xohlashgandi", - deya "PSJ" rasmiysi so‘zlaridan iqtibos keltirdi PSG Report.
Har ikki futbolchi ham yozgi transfer oynasida Parij jamoasini tark etishdi. Neymar Saudiyaning “Al-Hilol” klubiga o‘tdi, Messi esa Amerikaning “Inter Mayami” klubi bilan mehnat shartnomasini imzoladi.
Liga 1ning to‘rt turidan so‘ng “PSJ” turnir jadvalida ikkinchi o‘rinda bormoqda.